रैफ बदावी यांना युरोपीय संसदेचा साखारोव्ह मानवतावादी पुरस्कार

अभिव्यक्ती स्वातंत्र्याच्या लढ्यासाठी ब्लॉगच्या माध्यमातून लोकांना जागे करण्याचे काम करणारे मानवी हक्क चळवळीतील कार्यकर्ते आणि लेखक रैफ बदावी यांना युरोपीय संसदेने साखारोव्ह मानवतावादी पुरस्कार जाहीर केला आहे.

रैफ बदावी

• सौदी अरेबियाचे ब्लॉगर रैफ बदावी यांनी तेथील धर्मसत्तेला आव्हान दिले होते.
• ते सौदी अरेबियाचे लेखक, मानवी हक्क कार्यकर्ते व फ्री सौदी लिबरल्स या संकेतस्थळाचे जनक आहेत.
• राजकीय आणि धार्मिक विषयांवर वादविवादसाठी त्यांनी हा एक ऑनलाइन प्लॅटफॉर्म सुरु केला होता.
• २०१२ मध्ये धार्मिक श्रद्धांचा अवमान, इलेक्ट्रॉनिक वाहिन्यांवर इस्लामचा अपमान असे अनेक आरोप ठेवून तुरुंगात टाकण्यात आले. सात वष्रे तुरुंगवास, ६०० फटके व दंड अशी शिक्षाही सुनावण्यात आली.
• आंतरराष्ट्रीय समुदायाकडून वारंवार मागणी होऊनही त्यांची सुटका झालेली नाही.

आंद्रे साखरोव्ह मानवतावादी पुरस्कार

• सोव्हिएत महासंघातील बंडखोर शास्त्रज्ञ आंद्रे साखरोव्ह यांच्या स्मृतिप्रीत्यर्थ युरोपीयन संसदेतर्फे हा पुरस्कार दिला जातो.
• मानवतावादी कार्य आणि मूलभूत स्वातंत्र्याचा लढा उभारणाऱ्या व्यक्तींना दिला जातो.
• आंद्रे साखारोव्ह हे रशियाच्या हायड्रोजन बॉम्बचे जनक होते व नंतर ते मानवी हक्क कार्यकत्रे बनले.
• आण्विक शस्त्रास्त्र स्पर्धेचे मानवजातीला असलेले संभाव्य धोके लक्षात आल्यामुळे त्या संबंधात जागृतीसाठी प्रयत्न केला.
• भौतिक शास्त्राचे शास्त्रज्ञ असणाऱ्या आंद्रे साखरोव्ह यांना १९७५ मध्ये नोबेल शांती पुरस्काराने गौरवण्यात आले.